Is now people gun know if de government waste money when dem can tell people wha dem see bout de police shooting right by Big Market. That is one of de place wheh Clement claim he had to put cameras because nuff crime does tek place there.Some policemen see a car that look suspicious and dem put on de siren fuh pull over de car. All this happen by a traffic light. One of dem come out but he tek things fuh granted and did not approach de car like if he going on serious business. That was a big mistake and de policeman lose he life.De people in de car had AK47 and handgun and dem shoot up dem policemen. One dead and two get injured.De car drive away but as dem seh dem got cameras all over town dem shoulda see de car and by now de police woulda find it. That is why de opposition got problems when de government tell Parliament that dem got to get money to do certain things. De opposition does ask fuh explanation. In de past because dem didn’t have to answer to anyone dem use to give all kind of explanation.Well dem boys putting de camera to de test. Dem want to know if de camera was any help. Bharrat did tell de news people that dem got de camera suh dem can see if any vehicle leaving de city. Now this car had to leave de city and if de cameras deh at strategic locations more than one woulda see de car suh de police coulda know wheh it going.But dem boys also talking bout something else. When de police stop a vehicle dem should surround it. But these days when perks deh nuff,Wholesale Jerseys China, once de police stop a car,China NFL Jerseys, one does come out and approach de driver because of de raise dem accustom to getting. This time de driver had something else to give.Dem boys want to know wha kind of training de police does get these days.Is sad that one got to die to prove a wrong.Talk half and ask Rohee bout dem cameras.